God jul og godt nytt år!

Me i Vestprod as takkar alle samarbeidspartnarar for godt samarbeid i 2018! Samstundes ynskjer me alle ei god jul og eit godt nytt år! Me ser fram til eit spanande 2019!

Under ser du årets siste bilete på denne sida. Det er frå torsdagens juleavslutning for Norheimsund skule. Idrettshallen var stappfull av tilhøyrarar, og Vestprod AS var på plass med lysanlegg.

Hugsamklang i Øystese

Laurdag 15. og sundag 16. desember er det klart for nye julekonsertar med Hugsamklang i Øystese kyrkje. Hugsamklang består av Sindre Kjosås, Harald Kjosås, Ingve Kjosås og Martin Ulltang. Konserten sundag er allereie utseld, medan det er litt billettar att til laurdagen.

Konsertane startar kl 20:00. Vestprod AS er på plass med lyd og lysanlegg og teknikar Vidar Sangolt.

Jul med Gospel Bergen

Laurdag 8. desember arrangerer Gospel Bergen den tradisjonsrike konserten «Jul med Gospel Bergen» i Johanneskirken i Bergen. Konserten startar kl 20:00. Vestprod AS er på plass med lyd og lysanlegg samt lydteknikar Anders Heibø og lysteknikar Thomas Byrknes.

Garness i Bergen og Norheimsund

Fredag 7. desember er det julekonsert med Garness i Johanneskirken i Bergen. Den populære duoen består av tvillingsystrene Ingelin Reigstad Norheim og Hildegunn Garnes Reigstad. Med seg har dei eit band beståande av Torjus Vierli, Thomas Gallatin og Tor Egil Kreken.

Konserten startar kl. 19.00, og Vestprod AS er på plass med lyd og lysanlegg samt systemteknikar Vidar Sangolt og lysteknikar Thomas Byrknes.

Dagen etter vert det konsert i Norheimsund kyrkje kl. 19.00. Vestprod AS er på plass med lyd og lysanlegg samt system- og lysteknikar Vidar Sangolt.

Frivilligheitas dag i Øystese

5. desember er FN sin internasjonale dag for frivillig arbeid, og frivilligheitssentralen Grannehjelpa markerer dette med eit arrangement i Øystese Idrettshall kl 18. Det vert mellom anna allsong, utdeling av Eldsjelprisen, underhaldning med lokale heltar og gratis kake, kaffi og saft. Festen er gratis og er open for kvemmingar i alle aldrar. Vestprod AS er på plass med lys- og lydanlegg og teknikar Vidar Sangolt.

Konsert og talentiade i Framnes Arena

Fredag 30. november kl. 21.30 er det konsert med Norheimsund og Øystese ungdomskor i Framnes Arena i Norheimsund. Dagen etter er det klart for den tradisjonsrike Talentiaden same stad kl. 20.00.

Vestprod AS er på plass med lydanlegg, lysanlegg, storskjerm og teknikarane Vidar Sangolt og Thomas Byrknes.

Bornas Verdsdag i Norheimsund!

Sundag arrangerer Kvam kulturskule for sjette gong Bornas Verdsdag i Norheimsund. Det vert verkstadar, aktivitetar, konsertar og internasjonal matmarknad på Norheimsund skule og i Norheimsund idrettshall. Arrangementet startar kl. 11.30, og kl. 15.30 vert det avslutningskonsert med Terje Isungset.

Vestprod AS er på plass med lyd og lysanlegg.

«Naboen min» i Norheimsund

Torsdag 1. november held «Naboen min» konsertar for skular og barnehagar i Norheimsund idrettshall. Duoen består av Bjørnar Sangolt og Vegard Markhus. Bjørnar har spela med blant andre Trygve Skaug og St Morritz, medan Vegard har gjeve ut fleire bøker og motteke Nynorsk Barnelitteraturpris. Med seg til Norheimsund har dei musikarane Eirik Utne og Einar Olsson. Saman skal dei framføra musikk frå barneplata «Rockesock», som «Naboen min» nyleg gav ut.

Konsertane startar kl. 11.15 og 12.15, og Vestprod AS er på plass med lyd- og lysanlegg og teknikarane Vidar Sangolt og Andreas Eide.

Rejoice i Øystese

19.-21. oktober er det klart for den sekstande utgåva av ungdomskonferansen Rejoice. Konferansen vert arrangert i Øystese bedehus. På programmet står blant anna konsert, møte og kafè.

Vestprod AS er på plass med lyd og lysanlegg og teknikarane Sveinung Stein og Andreas Eide. Les meir om arrangementet på www.rejoice.no.

Cinclus Cinclus til Kabuso

Fredag 19. oktober er det skulekonsert med norsk-britiske Cinclus Cinclus i Kabuso i Øystese. Bandet består av Matt Robinson (saksofon), Maja Bugge (cello), Per Jørgensen (trompet, vokal, perkusjon) og Terje Isungset (trommer, stein og bjørkepinnar). Konserten er ein del av Vestnorsk Jazzsenters turné-ordning Den Musikalske Stamvegen.

Konserten startar kl. 12.00, og Vestprod AS er på plass med lydsupplering og lydteknikar Vidar Sangolt.