Vestprod AS med lyd på 17. mai-feiringa i Norheimsund og Øystese

Det nærmar seg 17. mai, og tradisjonen tru skal me ha lyd på 17. mai-feiringa både i Norheimsund og Øystese.

I Norheimsund stiller Vestprod AS med lyd på haldeplassen før toget startar, når toget stoppar ved Toloheimen og under folkefesten i Norheimsund idrettshall. Teknikar er Vidar Sangolt.

I Øystese skal me sørga for lyd under minnestunda ved kyrkja, når toget stoppar ved Mikjelsflaten og under folkefesten i Øystesehallen. Teknikar er Vidar Stensletten Eik.

Vestprod AS ynskjer alle ein god 17. mai!

 

God påske!

Me i Vestprod AS ynskjer våre gode samarbeidspartnarar og musikkvener ein god påske!

«Fast som fjell»

12. – 17. april reiser Norheimsund & Øystese Ungdomskor på turné på vestlandet. Turnèen har fått namnet «Fast som fjell – ei vandring frå palmesundag til påskemorgon.» Koret skal ha konsertar i Veavågen, Aksdal, Sandeid og Bømlo. Før avreise vert det konsert i Norheimsund kyrkje torsdag 11. april kl. 19.30. Gjennom musikk, tekstlesing/drama, lyssetjing og bruk av bilete på storskjerm vert publikum teke med på ei vandring frå palmesøndag til påskemorgon. Repertoaret er variert og spenner frå tradisjonelle påskesalmar til nye påskesongar. Koret har spela inn ein ny CD med songane som vert framførte, og denne vert seld etter konsertane.

Vestprod AS stiller med lyd og lysanlegg på heile turnèen.

Klart for Mosaikk!

Sundag 7. april er det klart for Mosaikk i amfisalen på Norheimsund skule. Framsyninga startar kl. 18.00. Kvam kulturskule er arrangør av Mosaikk, som er ei fargerik framsyning med born og unge frå ulike nasjonar. Inspirert av det norske eventyret Dei tre Bukkane Bruse har dei laga Dei tre søstrene Bruse. Måndag og tysdag er det skuleframsyningar same stad.

Vestprod AS er på plass med lyd og lysanlegg og teknikarane Vidar Sangolt og Stig Lundblad-Sandbakk.

Russerevy på Framnes

Helga 06.-07. april er det klart for den tradisjonsrike russerevyen på Framnes kristne vidaregåande skule i Norheimsund.  I år har revyen fått namnet «Not meant to be». Russen ved skulen inviterer til framsyning laurdag 6. april kl. 19.00 og sundag 7. april kl. 16.30, og inntektene frå revyen går til misjonsprosjektet deira. Revyen vert  avvikla i Framnes Arena.

Vestprod AS er på plass med lyd og lysanlegg, storskjerm og teknikarane Vidar Sangolt, Vidar Stensletten Eik og Andreas Ølfarnes.

Spellemenn!!

Me i Vestprod AS gratulerer vårt varamedlem Bjørnar Sangolt og bandkollega Vegard Markhus i «Naboen min» med Spellemannspris for årets barneplate for plata «Rockesock»!

Den rykande ferske musikkvideoen, der Vestprod AS bidrog med lysanlegg og teknikar under innspelinga, ser du her.

Les Misèrables i Øystese

Førstkomande helg framfører Kvammakoret deira versjon av musikalen Les Misèrables på Kvam ungdomsskule i Øystese. Det vert førestillingar laurdag 30. og sundag 31. mars kl. 18.00.

I tillegg til koret med solistar deltek Sevinj Asgarova Øvrehus (piano), Lars Sveinung Lid (bass), Jan Tore Næss (trommer) og lesar Arne O. Øystese.

Vestprod AS er på plass med lyd og lysanlegg og teknikarane Vidar Sangolt og Vidar Stensletten Eik.

«Naboen min» spelar inn musikkvideo

Fredag spelar spelemannsnominerte «Naboen min» inn musikkvideo til tittellåta «Rockesock» frå CD-en med same namn. Duoen består av Bjørnar Sangolt og Vegard Markhus. Innspelinga skjer på Norheimsund skule. Elevane ved skulen skal medverka, noko mange av dei også gjorde då CD-en vart spela inn. Vestprod AS er på plass med lysanlegg og teknikar Vidar Sangolt.

Vestprod AS med lyd og lys på UKM

Sundag 17. februar er det klart for årets utgåve av Ung Kultur Møtest (UKM) i Kvam. Arrangementet startar kl. 14.00 i amfisalen på Norheimsund skule. Unge talent vil framføra ni sceneinnslag. I tillegg vert det vist to filmar samt at ein konferansièr bind det heile saman. Nokre av innslaga går vidare til fylkesfestivalen, der nokre igjen går vidare til landsfestivalen.

Vesprod AS er på plass med lyd og lysanlegg og teknikarane Vidar Sangolt og Gunnar Åsebø. Me ynskjer alle deltakarane lukke til under arrangementet!

«Talasso»

Førstkomande helg arrangerer tiandeklassingane ved Kvam ungdomsskule sin årlege vinterfest i Øystesehallen. Fredag 11. januar er det framsyning og fest for alle tilsette og elevar med føresette kl. 19.00. Elevane skal først visa musikalen «Talasso». Deretter er det lotteri, mat og dans.

Laurdag er det ei open framsyning av «Talasso» kl. 15.00.

Vestprod AS er på plass med lyd og lysanlegg og teknikar Vidar Sangolt begge dagar. I tillegg hjelper fleire av elevane til med den tekniske delen.