01. – 04. april er Norheimsund & Øystese Ungdomskor på påsketurné på Sørlandet. Under turnèen skal dei framføra påskekonserten «Fast som fjell» i Kristiansand, Vennesla, Mandal, Konsmo og Finsland. Før avreise vert det påskekonsert i Norheimsund kyrkje torsdag 30. mars kl. 19.30. Repertoaret er variert og spenner frå tradisjonelle påskesalmar til nye påskesongar.
Vestprod AS stiller med lyd og lysanlegg på heile turnèen.
Sundag 26. mars er det klart for framsyninga «A hard days night» med Kvammakoret i Øystese idrettshall. Dette er ei framsyning full av kjende Beatles-melodiar, og med både musikk, teater og dans. I tillegg til koret med solistar medverkar musikarane Stein Pedersen (gitar), Torbjørn Skeie (tangentar), Lars Sveinung Lid (bass) og Jan Tore Ness (slagverk). Dirigent og produsent er Olav Skeie Lid.
Konserten startar kl 19.00. Vestprod AS er på plass med lysanlegg.
Laurdag 18. mars er det klart for konserten «Korpsglede for alle» i Øystese idrettshall. Konferansièr er komikar, skribent og programleiar Sigrid Bonde Tusvik. Ho kjem til Øystese saman med Korps United, som er kjent frå TV-serien med same namn. I tillegg medverkar Ålvik Musikklag, Øystese Musikklag, Norheimsund Musikklag og Tørvikbygd Musikklag.
Konserten startar kl 17.00. Vestprod AS er på plass med lyd og lysanlegg.
